男燒衣 - 白駒榮

聞得妹你話死﹐我實在見悲傷﹐妹呀你為因何事搞到自縊懸樑﹐人話死咯尚屬思疑﹐我唔信佢講﹐今日你果然係死左咯﹐叫我怎不悲傷 唉妹呀唔望與嬌彈共唱﹐唔望燈前月下共你結呢段鸞凰﹐呢回任得天上跌一個落黎﹐唔慌我重想﹐唉愁有萬丈﹐不若把隻小舟將水陸放﹐ 等你早登仙界直向慈航﹐忙解纜﹐出到江濱﹐祇見江楓漁火照住我愁人﹐各物擺齊兼共果品﹐我願妹前來鑒領我誠心﹐燒頁紙錢珠淚惡忍﹐三杯薄酒奠妹孤魂 燒到童男童女等妹相親近﹐吩咐眾人使喚要聽佢將真﹐大 lung 鎖匙交過你收緊﹐你切莫頑皮激著主人﹐燒到胭脂和水粉﹐刨花兼軟抆﹐簡妝一個照妹孤魂 燒到芽蘭帶﹐與共繡花鞋﹐可恨當初唔好早日帶妹埋街﹐免使你在青樓多苦捱﹐咁好沉香當作爛柴﹐呢條芽蘭帶乃係小生親手買﹐ 可惜花鞋繡得咁佳﹐記得八月中秋同把月拜﹐重話二人衾枕永結和諧﹐點想別離你心事古怪﹐誰知錯意把妹命來晒﹐唉越思越想心痛壞﹐珠淚流唔晒﹐妹呀你便夢中魂魄共我講幾句情­懷 燒到被鋪蚊帳係出在杭州﹐重有香珠一串搭在妹襟頭﹐燒到煙槍煙托與及雷州斗﹐又來燒到個煙屎勾﹐局砂一盞光明透﹐但凡燈暗妹呀你自己添油.  呢盒公煙原本係舊﹐馨香翳膩都解得下煩憂﹐你無事拈來燂佢幾口﹐不防陰府你自己籌謀﹐咁多物件燒來交過你手﹐至緊關防門戶咯莫俾人偷 妹盼你生前所用般般都有﹐今日把火焚燒在水面浮﹐我再酌酒﹐奠妹妝台﹐願妹呀你前來鑑領我一杯﹐等你飲過此杯呢離了苦海﹐早登仙界直上蓬萊 又到艇嫂上前同佢抹淚﹐叫聲大相你切莫悲哀﹐捨得多情愁無多情配﹐奴奴情願共你為媒﹐你既有真心寧守耐﹐等我找尋一個重靚過花魁 人話男人心腸多變改 ﹐但我見君情義真正少人陪﹐臘燭替君流血淚﹐半天仙鶴渡郎追﹐你不如忍淚係埋街去﹐免令今夜你自己痴呆 我忙轉艇﹐就快如雲﹐雲槳齊撓水面奔﹐海闊風狂你須要坐穩﹐等我行埋共你講幾句時聞﹐我地隔鄰有個叫做馮人引﹐真正好品﹐腳又細時滿手芣針 年方二八知書禮﹐詩詞歌賦樣樣皆能﹐舊時有位少爺話同佢上岸﹐ 但要揀個多情人仔至兩相登﹐我問聲大相可否心情允﹐真正妙甚﹐真妙甚﹐等我把鵲橋高駕起等你直上到浮雲。

阮兆輝：《驚迴曉夢憶秋娟》

驚迴曉夢，鶴唳聲聲，又聲聲寒角吹遍江城。隔岸蒹葭人寂靜，廢池喬木也厭言兵。昨夜醉­鄉難酩酊，今朝歧路未分明。樊川落魄悲同命，情到深時一死輕。重還有約但係期無定，又­怕贏得青樓薄倖名。輾轉思量心自省，都係文章負我我負卿卿。估話鐘鼎山林雖則皆幻影，­有個風塵知已不負我生平。怎想兩月綢繆如畫餅，只換得一船離恨獨對數峰青。正係素願空­留明珠侍聘，柔絲自縛慧劍無靈。韶華如夢終須認，爭教紅淚不成冰。你願化蝶相尋但系誰­為引領，你都未知何處我又要登程。

征途晝永，我又倚蓬窗，你睇荒村黃葉又近重陽。記得去年今日尚作非非想，想話神仙唔願­願做鴛鴦。水暖春江同蕩漾，不管人間離合世態炎涼。只要患難相扶歡愉共享，生時成對死­亦成雙。我話係前世姻緣你話係冤孽賬，只怨奴奴生錯一副軟心腸。怕我太過多情就會容易­別向，遇著浮花浪蕊又話憐香。我願懺悔往日疏狂重求你見諒，你種真情真義令我沒齒也難­忘。

只望青雲有路人無恙，有日榮歸衣錦報答紅妝。個陣翠繞珠圍不復當年個樣，枝頭飛上等你­氣吐名揚。今日相守都唔未能重存乜野奢望，我亦寒枝揀盡鬢染秋霜。但願名花有主早日除­魔障，願你早日除魔障，更願交還恩愛去禮空王。 

飄零去，你都莫問前因，只見半山殘照一個愁人。去路茫茫不禁悲來陣陣，前塵惘惘惹我淚­落紛紛。仍是念念不忘心相印，尚有幾回腸斷幾度銷魂。本想學投筆從戎圖發奮，卻被儒冠­誤了我有志難伸。想學一棹五湖同遁隱，卻被妖紛籠遍遠無垠。想學飛蛾破繭不復情絲困，­卻被一燈紅焰又焚身。正係了得相思難了恨，夢來何處更為雲。重講乜石爛海枯情不泯，就­算重逢有日已是負義忘恩。今日倚樓人遠天涯近，呢件青衫曾染我地話別啼痕。襟前有兩瓣­係你唇脂暈，幾度雨淋日曬而家都認唔真。你睇沉沉暮靄西風緊，南飛北雁怕向客中聞。平­安未報自問心何忍，空餘淚眼望斷黃昏。又聽得疏鐘幾杵好似來相引，引我去菩提樹下莫戀­紅塵。草際秋蟲聲漸哽，只見隔林一點佛前燈。佛相莊嚴燈又暗，愧我殉情割愛兩無能。雖­則我佛慈悲都係難恕薄倖，甘為羈旅了卻殘生。世間何物堪酬贈，心耿耿，從此飄萍和斷梗­，幾許深情默約，句句都無憑。